Monday, September 12, 2011

faiz ahmad faiz ki zameen me tarahi ghazal by aadil rashee



فیض احمد فیضؔ کی زمین میں ایک طرحی غزل

جو خون دل میں ڈبولی ہیں انگلیاں میں نے
لکھی ہے تب کہیں ظلموں کی داستاں میں نے

وہیں وہیں پہ سجی پائی کہکشاں میں نے
تمہارا نام لیا ہے جہاں جہاں میں نے

کہیں ملے ہی نہیں پھر وہ پر سکوں لمحے
انہیں تلاش کیا ہے کہاں کہاں میں نے

مجھے یہ دار و رسن اس کا ہی تو تحفہ ہے
رکھی تھیں نبض زمانہ پہ انگلیاں میں نے

ہوا کے ساتھ میں کچھ فکریں بھی چلی آئیں
ذرا سی ذہن کی کھولیں جو کھڑکیاں میں نے

مرا وجود بکھر جائے گا پتہ تھا مجھے
مگر غرور کی کر دی ہیں دھجیاں میں نے

غزل کا لہجہ مرا یوں بھی تلخ ہے عادلؔ
پڑھی ہے حضرت ساحرؔ کی’’ تلخیاں‘‘ میں نے

عادل رشید
faiz ahmad faiz ki zameen me ek ghazal
jo khoon e dil me dubo li hain ungliyan main ne
likhi hai tab kahin zulmon ki dastan main ne

wahin wahin pe saji payi kehkashan main ne
tumhara nam liya hai jahan jahan main ne

kahin mile hi nahin phir wo pur sukun lamhe
unhen talash kiya hai kahan kahan main ne

mujhe ye dar o rasan is baat ka hi to tohfa hai
rakhi thi nabz e zamana pe ungliyan main ne

hawa ke saath me kuchh fikren bhi chali aayin
zara si zehn ki kholi jo khidkiyan main ne

mira wajood bikhar jayega pata tha mujhe
magar guroor ki kar di hain dhajjiyan main ne

ghazal ka lehja mira yun bhi talkh ha aadil
padhi hai hazrat e SAHIR ki "talkhiyan" main ne